استناداً لفكرة الأخ EternalArt بإنشاء ورشة لمحركات الرندر لتبادل الخبرات ضمنها هذه أولى مشاركاتي فيها وأتمنى طبعاً أن يشاركنا الجميع...
الصورة المرفقة هي لمشروع أقوم بالتحضير له... كما هو واضح بيئة العمل هنا Softimage|XSI والـ mental ray... في هذه المرحلة أقوم بتطوير النمط الفني للمشروع ليظهر بالصورة المطلوبة...و كما هو واضح أيضاً فإن النمط الفني المطلوب هو أقرب للمعجون بحيث تظهر جميع الأجواء والشخصيات كأنها منحوتة من الصلصال أو المعجون.
لذلك قمت بأكثر من محاولة كانت هذه آخرها... من النواحي التقنية كنت أحاول القيام بعملية benchmarking لاحتمالات الرندر وذلك للحصول على أفضل نتيجة بأقصر وقت ممكن...
كانت النتيجة النهائية هي أن أقصر زمن رندر تمكنت من الحصول عليه للـ frame الواحد هو: دقيقة و 8 لحظات تقريباً... بالطبع هذا الزمن الكلي لعملية الرندر بما فيها مرحلة حساب الـ finalgathering points.
مازلت أحاول البحث على بدائل أفضل نظراً لكون زمن الرندر ضروري بالنسبة لهذا المشروع حيث أن المشروع طويل نسبياً ولا أريد أن أقضي بقية عمري بانتظار الأجهزة للانتهاء من الرندر...

هذه أيضاً تجربة أخرى لنفس المشروع السابق...
بالطلع أنا أرحب بسماع تعليقاتكم ونصائحكم حول هذا المشروع وخصوصاً إذا كانت قادرة على تخفيف زمن الرندر:)

أخي همام ... بداية جميلة .... بس عندي كم ملاحظة ... :
-------------------------------------------------------
1-ماحطيت مواصفات الجهاز اللي عم ترندر عليه ... مشان نقدر وقت الريندر .
2-على هوى الصور الي عرضتى .. نسخة الـ XSI يا 4 يا 4.2 مو خمسة ... لأنو بالـ 5 الريندر أسرع بشكل عام وبالذات بال Final gathering .
3-بالنسبة لجوالريندر (المعجون) اللي بدك ياه ... بنصحك أنو تستعمل الماتيريال Lambert بدل الـ Phong لأنو المعجون بيجي (مت) مالو لمعة (Speculate) .
4-في شوية بقع بالـ Final Gathering (مابعرف اذا انت مستقصد عالشي) وهاد بسبب قلة قيمة الـ Accuracy تبع الـ Final Gathering وبرأي لا ترفع القيمة مشان مايطول وقت الريندر ... استعيض عن هالشي برفع قيمة ال Max Radius .

وإذا بتحط عدادات الاضاءة والريندر بيكون أحسن لنقدر نتناقش بشكل أوضح , وبالتوفيق ان شاء الله .....

والله الحق معك...
1-بالنسبة لموصفات الجهاز اللي عم تصير عليه الاختبارات AMD-2000+ و 1GB RAM...
2-نسخة الـ XSI تماماً هي 4.2 لأنو المشروع قديم وبدايته كانت على هي النسخة، غالباً لح قوم بنقلو للـ XSI 5 بس أكيد مو بهي المرحلة.
3-شكراً كثير لنصيحتك... أنا صراحة عم استخدم بالمشاهد النهائية النوعين بس عن استخدم Lambert بس للشخصيات ميشان أعطيهون تميز أكثر شوي من المواقع وخلي أحساس المواقع مثل بعض أنواع المعجون المعالج بالحرارة... بس ممكن جرب خفف اللمعة...
4-معك حق... في شوية بقع final gathering بس بمرحلة تطوير النمط الفني ما كثير آكل همها...
5-هلأ مشان اعدادت الرندر... أهم شي:

Aliasing: 0,2
Threshold: 0.05
Final Gathering Accuracy: 250
Min Radius: 0.25
Max Radius: 2.5

ومافي غير point light واحد بالاعدادات

Area Light Shadows
Sampling: 3 3

التعليق على مشاركة Eternal Art في Oct 13, 2006 15:49 :

> 3-بالنسبة لجوالريندر
> (المعجون) اللي بدك ياه ... بنصحك أنو تستعمل الماتيريال
> Lambert بدل الـ Phong لأنو المعجون بيجي (مت) مالو لمعة
> (Speculate) .

ما بعرف هي الصورة كتير صغيرة بس مش شايف مشكلة باللمعة الموجودة. يعني معجون معالج بشكل معين. الصورة كتير حلوة وبتذكرني بجو Neverhood اللعبة

تماماً... أثناء مرحلة اختيار وتطوير الأجواء للنمط الفني كانت الـ neverhood هي المرجع الذي اعتمدنا عليه. حتى في مرحلة البناء للأجسام كانت الـ neverhood هي المسيطر علينا لذلك قد تجد الكثير من التشابه بين هذا العمل وبين neverhood مع فارق بالطبع أن الـ neverhood معجون حقيقي والمشروع الخاص بنا 3D☺

السلام عليكم ....أسف على التأخر ... بس الوقت بيضل دابحنا .....
أخ همام ... هل من جديد إذا في لقطات جديدة أو أي تطور جديد لا تبخل علينا (بس طبعاً بدون مانحرقلك العمل ) لأنو بدو يطلع عمل مميز جداً على هوى مو مبين من اللقطات الأولية ... وإذا في شي لقطة لشي شخصية من شخصيات العمل فينا نشوفى كمان بيكون منيح .....

بالنسبة الي بهالورشة .. قررت أنو أبني مشهد داخلي من الصفر وما استعين بمشهد جاهز ...والموضوع بالنسبة إلي تحدي لمحاكاة جو هالصورة المصيرة بالـ V-ray ومجاراتها بالـ Mental Ray طبعاً بنصائحكم ومساعدتكم ان شاء الله

بلشت بمرحلة البناء ... طبعاً عم حاول كون قريب كتير على الصورة اللي فوق( بس مو نفسى طبق كمان ) باقي عليها شوية لمسات وببلش بالاكساء والإضاءة والرندر ان شاء الله :

أولاً... الله يعطيك العافية... من الجيد أنك تشاركنا حتى في مرحلة البناء لكي نستفيد في أكبر قدر من المجالات...
طبعاً... اختيارك للصورة موفق... وأعتقد أنك بحاجة للكثير والكثير من العمل والحذر للوصول لهذه النتيجة الرائعة وأنا شخصياً معك بإذن الله... لذلك أرى أن ألفت نظرك لبعض النقط الهامة بالنسبة لمرحلة البناء التي ورثتها من خبرتي في العمل في مجال الألعاب...
هناك معادلة بسيطة كل من يعمل في مجال الألعاب يحفظها عن ظهر قلب: المعادلة هي ببساطة:
Good Optimization + Good Topology = Good Work
بالطبع تطبيق هذه المعادلة في بقية المجالات (غير الألعاب) لا يعتبر مضيعة للوقت لأنك في النتيجة تحصل على مشروع منظم وقابل للسيطرة مهما كبر أو تضخم...
الجميل بالموضوع بالنسبة للمشهد المرفق أنك قمت بمراعاة هذه النقطة بشكل جيد باستثناء بعض الأماكن البسيطة التي أود أن ألفت نظرك لها والموضحة على نفس الصورة المرسلة...

شكراً على ملاحظاتك أخ همام ... (تم تعديل جميع الملاحظات) ....
جاري إكمال عملية البناء والاكساء ... ان شاء الله أي جديد بيصير معي لح حطو ....

.... بتمنى بقية الشباب نشوف شغلى أو تحط أي عمل قيد التنفيذ ... أو أي حدا عندو خبرة يشاركنا برأيو ... وإذا أي حدا حابب يتعلم معنا موضوع التصيير والاضاءة وتقنياته يشارك .. مافي شي بخجل شو ماكان المستوى (كلنا عم نتعلم) .